DOING BUSINESS IN THE EU


Doing business in the EU

Boeke op kortlyste vir UJ se letterkundepryse, kry die #eBoek hier!

Die kortlyste vir die Universiteit van Johannesburg UJ se prys vir skeppende skryfwerk in Afrikaans en die UJ-debuutprys vir skeppende skryfwerk in Afrikaans is pas ­bekend gemaak. Vir die UJ-prys vir skeppende skryfwerk in Afrikaans, met ’n geldwaarde van R75 000, is drie Hertzog-bekroonde skrywers op die kortlys. Wilma Stockenström en Marlene van ­Niekerk het albei Hertzog-pryse vir poësie ­sowel prosa gewen en is ook albei op die kortlys vir die eerste Elisabeth Eybers-poësieprys. Etienne van Heerden het die Hertzog twee keer vir ­prosa gewen. Hy het die UJ-prys in 2009 ­vir 30 Nagte in Amsterdam ontvang.

Die skrywers op hierdie UJ-kortlys is soos volg:

 

Loots met Rooi Jan Alleman Umuzi,

http://myafrikaans.com/rooi-jan-alleman.html

http://myafrikaans.com/rooi-jan-alleman.html

Die klein Bram Fischer word gebore uit drome en beelde, met die geloei van Bloemfonteinse osse in die agtergrond. Hy sien die spoke van Paul Kruger en Jopie Fourie, asook dié van Hendrik Biebouw, die eerste Afrikaner. In hierdie roman skryf François Loots ’n kreatiewe, fiktiewe weergawe van Afrikaner-kommunis en struggle-held Bram Fischer se lewe. Die leser word gedompel in Fischer se leef- en gedagtewêreld, in die spanninge en avonture van die jong radikaal. Saam met Fischer, gaan ’n mens ondergronds. Wat is ’n mens se diepste gedagtes wanneer jy jou vermom? Wanneer jy soos ’n verkleurmannetjie in nuwe identiteite moet inglip? Of wanneer jy tronk toe gaan? Ná die strome drome, word Fischer geteister deur die demone van absolute eensaamheid. Maar wat deur alles bly staan, is sy onwrikbare liefde teenoor sy beminde Molly, wat hom kom verlos uit sy laaste droom. Soms is dit slegs deur die lens van fiksie wat mens iets van die ware geskiedenis kan agterhaal.

Stockenström met Hierdie Mens Human & Rousseau,

http://myafrikaans.com/hierdie-mens.html

http://myafrikaans.com/hierdie-mens.html

Hierdie veel bekroonde skrywer se eerste digbundel in 14 jaar. Dis toeganklike verse, gekenmerk deur ’n ironiese inslag, die toonaard verfrissend speels en lig. Maar die bundel staan ook in die teken van afskeid neem, en ’n sterk bewussyn van die onvermydelike naderkom van die einde van die lewe, ’n beleë aanvaarding van die onontkombaarheid van die slopingsproses.

Van Heerden met Klimtol ­Tafelberg,

Van Niekerk met Kaar Human & Rousseau

 

http://myafrikaans.com/kaar.html

http://myafrikaans.com/kaar.html

Die eerste digbundel in 30 jaar van een van Suid-Afrika se belangrikste skrywers. Hierdie omvangryke bundel sluit gedigte in wat wissel tussen pragtig liries en aangrypend menslik tot sterk satiriese protes- en politieke gedigte. Sowel die inhoud as die gebruik van taal getuig van ’n meesterlike skrywerskap.

Eben Venter met Wolf, Wolf Tafelberg.

Venter se boek is op die kortlys vir die Sunday Times­fiksieprys.

Eben Venter se roman is ’n diepsnydende ondersoek na die verhouding tussen pa en seun, na die ontreddering van ’n man wat bitter min uit die verlede kan neem om hom toe te rus vir ’n lewe in ’n snel veranderende bestel. Intens. Ontstellend. ’n Meesterlike ontrafeling van die dun lyn van gevoel – Venter aan die toppunt van sy vermoëns.

 

via Die Burger : Dié boeke op kortlyste vir UJ se letterkundepryse.

Publiseer jou eie eBoek! http://myafrikaans.com/selfpub-eboeke.html

Publiseer jou eie eBoek!
http://myafrikaans.com/selfpub-eboeke.html

Andre Beukes LLM

Andre Beukes LLM

I am an International human resources consultant to multinational companies in international employment law and employee relations.

Leave a Comment