DOING BUSINESS IN THE EU


Doing business in the EU

Neem deel aan Kliekclick se skryfkompetisie vir ’n lekker lees-kick

Selfpub eBoeke

Neem deel aan Kliekclick se skryfkompetisie vir ’n lekker lees-kick

Kliekclick stel bekend ’n splinternuwe skryfkompetisie vir ’n baie spesiale Afrikaanse publikasie in Junie 2014.

Enige iemand van 9 tot 100 jaar kan inskryf. Ervare skrywers en splinternuwe skrywers is ewe welkom.

Vir die baie spesiale publikasie soek Kliekclick stories vir lesers van ongeveer 9 tot 12 jaar oud.

Daar is twee kategorieë:

  • Kort stories van 100 tot 500 woorde wat die lesers lekker bang sal maak of laat lag.
  • Liefdesverhale van 1000 tot 3000 woorde wat dié teikenlesers sal kan geniet.

Verhale vir insluiting in dié publikasie sal gekies word op grond van oorspronklikheid, kreatiwiteit en vermaaklikheid. Lekkerlees is die kode-woord.

Kliekclick se doelwit is tweeledig:

  • Eerstens wil ons jong Afrikaanse lesers aanmoedig om te lees en dit te geniet.
  • Tweedens wil ons ongepubliseerde Afrikaanse skrywers help ontwikkel en ervare skrywers ’n nuwe publikasiegeleentheid gee.

Lekker leespryse is op die spel wat ’n e-leser en Kalahari.com-geskenkbewyse insluit.

Die sluitingsdatum vir die skryfkompetisie is 30 April 2014. Inskrywings kan per e-pos (sam@buitendach.co.za) of facebook-boodskap (https://www.facebook.com/kliekclick) ingestuur word.

Kompetisie-kriteria volg.

Wat kan jy skryf?

  • ’n Snaakse storie oor enige onderwerp van 100 tot 500 woorde
  • ’n Bangmaakstorie oor enige onderwerp 100 tot 500 woorde
  • ’n Liefdesverhaal van 1000 tot 3000 woorde

Vir wie moet jy skryf?

Lesers van ongeveer 9 tot 12 jaar oud moet die stories kan geniet.

Daarom moet die karakters in die stories kinders wees en praat soos kinders vandag Afrikaans praat. Die stories moet gaan oor goed wat vir hierdie kinders lekker, snaaks of scary is.

Hoe moet jy die stories instuur?

Alle stories moet elektronies aangestuur word.

As jy ’n aanhangsel gebruik, moet dit in Word-formaat wees.

Wanneer moet die stories klaar wees?

Die inskrywings vir die skryfkompetisie sluit 30 April 2014.

Indien jy voor die tyd klaar is stuur solank jou storie per e-pos of per facebook-boodskap na sam@buitendach.co.za of https://www.facebook.com/kliekclick, saam met die volgende inligting:

  • Jou naam en van.
  • Die tipe storie wat jy geskryf het (bangmaak/snaaks/liefdesverhaal).
  • Jou ouderdom en geslag.
  • Jou e-posadres/selfoonnommer, en jou ouer/voog se kontakbesonderhede indien jy onder die ouderdom van 18 jaar is.

Hoekom sal mens skryf?

OMDAT JY DIE WONDERLIKSTE PRYSE KAN WEN SOOS

  • ’n E-leser.
  • ’n R500 se Kalahari.com geskenkbewys.
  • Vier R250 se Kalahari.com geskenkbewyse.

Die beste prys van allles is natuurlik dat jou storie opgeneem word in die nuwe geheime PUBLIKASIE! Saam met jou stories sal daar ook ’n kort onderhoud met jou gevoer word en jou foto sal op sosiale media gepubliseer word.

Neem deel aan Kliekclick se skryfkompetisie  vir ’n lekker lees-kick

Andre Beukes LLM

Andre Beukes LLM

I am an International human resources consultant to multinational companies in international employment law and employee relations.

1 Comment

Leave a Comment